झोप चांगली होत आहे हे कसे ठरवावे? 

जसे, किती तास अभ्यास केला हे जितके महत्वाचे आहे, तितकेच अभ्यास किती लक्ष देऊन केला याला देखील तितकेच महत्व आहे. त्याच प्रमाणे, झोप केवळ किती तास लागली हे महत्वाचे नसून, कशी झाली हे देखील महत्वाचे आहे. चांगली झोप ही:

• ठरलेल्या वेळेस झोप यायला सुरुवात होते. झोपेसाठी खूप वेळ वाट पहावी लागत नाही. 

• सलग असते, मध्ये मध्ये अकारण तुटत नाही. 

• झोप लागताना किंवा झोपेत अचानक दचकणे, दचकून ऊठणे अशा गोष्टी होत नाहीत.

• गाढ आणि  शांत असते. छोट्या छोट्या आवाजाने किंवा हालचाल झाल्यामुळे मोडत नाही. 

• झोपेत वाईट स्वप्ने पडून जाग येणे, किंवा पडलेली स्वप्ने दुसऱ्या दिवशी आठवत राहणे असे प्रकार होत नाहीत. 

• सकाळी उठल्यावर झोप झाल्याचे समाधान मिळते. दिवस तजेलदार जातो. 

• दुसऱ्या दिवशी सतत जांभया येणे, डुलकी येणे असे होत नाही. 

• झोपेत बिछान्यात लघवी होणे, बडबड करणे, अचानक दचकून उठणे, दातावर दात वाजणे अशा गोष्टी होत नाहीत. 

​